Ezekiel 1:21-23

Magandang Balita Biblia

²¹ Kaya paglakad ng apat na nilalang, lakad din ang mga gulong. Pagtigil naman, tigil din sila. Pagtaas, taas din sila. Anuman ang gawin ng apat na nilalang ay ginagawa ng apat na gulong.

²² Sa^(A) ulunan ng apat na nilalang, naroon ang isang bubungang tila kristal. ²³ Sa ilalim nito'y magkakaabot na nakabuka ang tigalawang pakpak ng apat na nilalang, at ang tigalawa'y nakatakip sa kanilang katawan.