Ezekiel 27:1-10

Ang Biblia (1978)

Ang panaghoy sa Tiro.

27 Ang salita ng Panginoon ay dumating uli sa akin, na nagsasabi:

² At ikaw, anak ng tao, ^(A)panaghuyan mo ang Tiro;

³ At sabihin mo sa Tiro, Oh ikaw na tumatahan sa pasukan sa dagat, na ikaw ang mangangalakal sa mga bansa sa maraming pulo, ganito ang sabi ng Panginoong Dios: Ikaw, Oh Tiro, nagsabi, Ako'y sakdal sa kagandahan.

⁴ Ang iyong mga hangganan ay nangasa kalaliman ng mga dagat, ang nagsipagtayo sa iyo ay nangagpasakdal ng iyong kagandahan.

⁵ Ang ginawa nilang makakapal mong tabla ay mga puno ng abeto na mula sa ^(B)Senir: sila'y nagsikuha ng cedro mula sa Libano, upang gawing palo ng sasakyan mo.

⁶ Ginawa nilang iyong mga saguwan ang mga encina sa Basan; ang kanilang ginawang mga bangko mong garing na nalalapat sa kahoy na boj ay mula sa ^(C)mga pulo ng Chittim.

⁷ Manipis na kayong lino na yaring may burda na mula sa Egipto ang iyong layag, upang maging sa iyo'y isang ^(D)watawat; kulay asul at morado na mula sa mga pulo ng ^(E)Elisah ang iyong kulandong.

⁸ Ang mga nananahan sa Sidon at Arvad ay iyong mga mananaguwan: ang iyong mga pantas, Oh Tiro, ay nangasa iyo, sila ang iyong mga tagaugit.

⁹ Ang mga matanda sa ^(F)Gebal at ang mga pantas niyao'y pawang tagapagpasak mo: ang lahat na sasakyan sa dagat sangpu ng mga tao ng mga yaon ay nangasa iyo upang pangasiwaan ang iyong kalakal.

¹⁰ Ang Persia, ang Lud, at ang ^(G)Phut ay nangasa iyong hukbo, na iyong mga lalaking mangdidigma: kanilang ibinitin ang kalasag at ang turbante sa iyo; nagpapaganda sa iyo.