Exodus 36:33-35

Ang Salita ng Dios (Tagalog Contemporary Bible)

³³ Ang biga sa gitna ng balangkas ay inilagay nila mula sa dulo ng Tolda papunta sa kabilang dulo nito. ³⁴ Binalutan nila ng ginto ang mga tabla at nilagyan ng argolyang^[a] ginto na siyang humahawak sa mga tabla. Binalutan din nila ng ginto ang mga biga.

³⁵ Gumawa rin sila ng kurtina na mula sa pinong telang linen na binurdahan gamit ang lanang kulay asul, ube at pula. At maayos na nabuburdahan ng larawan ng kerubin.