Exodus 33:2-4

Ang Salita ng Dios (Tagalog Contemporary Bible)

² Pauunahin ko ang anghel sa inyo, at itataboy ko ang mga Cananeo, Amoreo, Heteo, Perezeo, Hiveo at Jebuseo ³ sa lugar na iyon. Kayo lang ang pupunta roon sa maganda at masaganang lupain;^[a] hindi ko kayo sasamahan dahil matigas ang mga ulo ninyo, at baka mapatay ko pa kayo habang nasa daan.”

⁴ Nang marinig ng mga tao ang masasakit na salitang ito, labis silang nalungkot at hindi nila isinuot ang kanilang mga alahas.