Exodus 15:7-9

Ang Salita ng Dios (Tagalog Contemporary Bible)

⁷ Sa inyong kapangyarihan, ibinagsak nʼyo ang mga kumakalaban sa inyo.
    Ipinadama nʼyo sa kanila ang inyong galit na siyang tumupok sa kanila na parang dayami.
⁸ Sa isang ihip nʼyo lang, nahati ang tubig.
    Ang dumadaluyong na tubig ay nahati at tumayo na parang pader;
    natuyo ang malalim na dagat.
⁹ Sinabi ng nagyayabang na kaaway,
    ‘Hahabulin ko sila at huhulihin;
    paghahati-hatiin ko ang kanilang mga kayamanan at bubusugin ko nito ang aking sarili.
    Bubunutin ko ang aking espada at lilipulin sila.’