Exodo 12:24-28

Magandang Balita Biblia

²⁴ Sundin ninyo ang mga tuntuning ito at palagiang ganapin, pati ng inyong mga anak. ²⁵ Patuloy ninyong ganapin ito maging sa lupaing ipinangako sa inyo ni Yahweh. ²⁶ Kapag itinanong ng inyong mga anak kung bakit ninyo ginagawa ito, ²⁷ sabihin ninyong ito'y pag-aalaala sa Paskwa ni Yahweh nang lampasan niya ang bahay ng mga Israelita at patayin niya ang mga Egipcio.”

Nang masabi ito ni Moises, yumuko ang buong bayan at sumamba sa Diyos. ²⁸ Pagkatapos, umuwi na sila at isinagawa ang iniutos ni Yahweh sa pamamagitan nina Moises at Aaron.