Exodus 1:11-14

Biblia Sacra Vulgata

¹¹ Praeposuit itaque eis magistros operum, ut affligerent eos oneribus: aedificaveruntque urbes tabernaculorum Pharaoni, Phithom et Ramesses.

¹² Quantoque opprimebant eos, tanto magis multiplicabantur, et crescebant:

¹³ oderantque filios Israel AEgyptii, et affligebant illudentes eis,

¹⁴ atque ad amaritudinem perducebant vitam eorum operibus duris luti et lateris, omnique famulatu, quo in terrae operibus premebantur.