Exodo 9:31-33

Magandang Balita Biblia

³¹ Ang mga tanim na lino at ang mga sebada ay sirang-sira sapagkat may uhay na ang sebada at namumulaklak na ang lino. ³² Ngunit hindi napinsala ang trigo at ang espelta sapagkat huling tumubo ang mga ito.

³³ Umalis si Moises at lumabas ng lunsod. Nanalangin siya kay Yahweh at tumigil ang kulog, ang ulan at ang pagbagsak ng malalaking tipak ng yelo.