Exodo 34:16-18

Magandang Balita Biblia

¹⁶ Huwag ninyong hahayaan na ang mga anak ninyong lalaki ay mag-asawa ng babaing tagaroon. Baka mahikayat sila ng mga ito na maglingkod sa kanilang mga diyus-diyosan.

¹⁷ “Huwag^(A) kayong gagawa ng diyus-diyosang metal at sasamba sa mga ito.

¹⁸ “Ipagdiwang^(B) ninyo ang Pista ng Tinapay na Walang Pampaalsa. Tulad ng sinabi ko sa inyo, pitong araw kayong kakain ng tinapay na walang pampaalsa sa unang buwan sapagkat iyon ang buwan ng pag-alis ninyo sa Egipto.