Exodo 28:33-35

Magandang Balita Biblia (with Deuterocanon)

³³ Gagawa^(A) ka ng palawit na parang bunga ng punong granada na yari sa lanang kulay asul, kulay ube at kulay pula, at ikakabit mo sa laylayan. Pagkatapos, lagyan mo ng kampanilyang ginto ang pagitan ng mga palawit. ³⁴ Ang magiging ayos nito ay isang hanay ng magkasalit na kampanilya at palawit sa buong laylayan. ³⁵ Ito'y isusuot ni Aaron tuwing gaganap ng tungkulin bilang pari upang marinig ang tunog ng kampanilya tuwing siya'y papasok at lalabas sa Dakong Banal ni Yahweh. Sa gayon, hindi siya mamamatay.