Exodo 23:9-11

Magandang Balita Biblia (with Deuterocanon)

⁹ “Huwag^(A) ninyong aapihin ang mga dayuhan; naranasan na ninyo ang maging dayuhan sapagkat kayo man ay naging dayuhan din sa Egipto.

Ang Ikapitong Taon at ang Ikapitong Araw

¹⁰ “Anim^{(B) (C)} na taon ninyong tatamnan ang inyong mga bukirin at anim na taon din ninyong aanihin ang bunga. ¹¹ Sa ikapitong taon, huwag ninyo itong tatamnan at huwag din ninyong aanihin ang anumang tutubo roon. Bayaan na ninyo iyon sa mga kapatid ninyong mahirap, at ang matira ay ipaubaya na ninyo sa mga maiilap na hayop. Ganoon din ang gagawin ninyo sa inyong mga ubasan at taniman ng olibo.