Exodo 23:27-29

Magandang Balita Biblia

²⁷ “Dahil sa gagawin ko, masisindak ang lahat ng haharap sa inyo. Malilito ang mga bansang makakalaban ninyo at magtatakbuhan dahil sa takot. ²⁸ Habang kayo'y papalapit, guguluhin ko ang inyong mga kaaway^[a] at palalayasin ko ang mga Hivita, Cananeo at Heteo sa kanilang lupain. ²⁹ Hindi ko muna sila paaalising lahat sa loob ng isang taon para hindi mapabayaan ang lupain at nang hindi dumami ang mga maiilap na hayop.