Exodo 22:25-27

Magandang Balita Biblia (with Deuterocanon)

²⁵ “Kapag^(A) nangutang sa inyo ang mga kababayan ninyong mahihirap, huwag kayong hihingi ng tubo, tulad ng ginagawa ng mga nagpapatubo. ²⁶ Kapag^(B) may nagsanla sa inyo ng balabal, ibalik ninyo iyon sa kanya bago lumubog ang araw ²⁷ sapagkat iyon lamang ang pambalot niya sa katawan; wala siyang kukumutin sa pagtulog. Kapag siya'y dumaing sa akin, papakinggan ko siya sapagkat ako'y mahabagin.