Exodo 19:16-18

Magandang Balita Biblia (with Deuterocanon)

¹⁶ Kinaumagahan^{(A) (B)} ng ikatlong araw ay kumulog at kumidlat. Ang bundok ay nabalot ng makapal na ulap at narinig ang isang malakas na tunog ng trumpeta. Nanginig sa takot ang lahat ng tao sa buong kampo. ¹⁷ Pinangunahan ni Moises ang mga tao papunta sa paanan ng bundok upang humarap sa Diyos. ¹⁸ Ang Bundok ng Sinai ay nababalot ng usok sapagkat bumabâ si Yahweh sa anyo ng apoy. Tumaas ang usok tulad ng usok ng isang pugon, at nayanig ang bundok.