Exodo 15:22-24

Magandang Balita Biblia (with Deuterocanon)

Ang Batis ng Mapait na Tubig

²² Pinagayak ni Moises ang mga Israelita, at umalis sila sa Dagat na Pula^[a] patungo sa ilang ng Shur. Tatlong araw na silang naglalakbay ngunit wala pa silang nakikitang tubig. ²³ Sa wakas, dumating sila sa batis ng Mara, ngunit hindi nila mainom ang tubig nito dahil mapait. Kaya, tinawag nila itong Batis na Mapait.^{[b] 24} Nagreklamo kay Moises ang mga Israelita, “Ano ngayon ang iinumin namin?”