Exodo 12:39-41

Magandang Balita Biblia

³⁹ At niluto nila ang dala nilang gagawing tinapay na wala pang pampaalsa. Hindi nila ito nakuhang lagyan pa ng pampaalsa sapagkat apurahan ang kanilang pag-alis sa Egipto; wala na silang panahong magluto ng pagkain.

⁴⁰ Nanirahan^(A) ang mga Israelita sa Egipto nang 430 taon. ⁴¹ Huling araw ng ika-430 taon nang umalis sa Egipto ang lahat ng lipi ng bayan ni Yahweh.