Exodo 20:8-11

Magandang Balita Biblia

⁸ “Lagi^(A) mong tandaan at ilaan para sa akin ang Araw ng Pamamahinga. ⁹ Anim^(B) na araw kang magtatrabaho, at tapusin mo ang dapat gawin. ¹⁰ Subalit ang ikapitong araw ay para kay Yahweh na iyong Diyos; ito ay Araw ng Pamamahinga. Sa araw na ito'y huwag magtrabaho ang sinuman sa inyo; kayo, ang inyong mga anak, mga aliping lalaki o babae, ang inyong mga alagang hayop, ni ang mga dayuhang nakikipamayan sa inyo. ¹¹ Anim^(C) na araw kong nilikha ang langit, ang lupa, ang mga dagat at ang lahat ng nasa mga ito. Ngunit namahinga ako sa ikapitong araw. Kaya't ito'y aking pinagpala at inilaan para sa akin.