Exodus 30:1-5

Ang Pulong Sa Dios

Ang Halaran nga Sunoganan sa Insenso

(Exo. 37:25-28)

30 “Pagpahimog halaran nga akasya nga sunoganan sa insenso. ² Kinahanglan nga kuwadrado kini, nga 18 ka pulgada ang gitas-on ug ang gilapdon, ug tulo ka piye ang gihabugon. May mga sungay-sungay sa mga eskina niini nga unay sa lawas sa paghimo niining halaran. ³ Pahaklapig purong bulawan ang ibabaw niini, ang upat ka kilid, ug ang mga sungay-sungay sa kada eskina. Ug paribetihi ug bulawan sa palibot. ⁴ Pabutangi ug duha ka mga singsing nga bulawan ubos sa ribeti sa isigka-kilid sa halaran, aron suksokan sa mga pangdayong niini. ⁵ Kinahanglan ang pangdayong kahoy nga akasya, ug haklapan kini ug bulawan.