Ester 3:8-10

Ang Salita ng Dios (Tagalog Contemporary Bible)

⁸ Sinabi ni Haman kay Haring Ahasuerus, “Mahal na Hari, may isa pong grupo ng mga tao na naninirahan sa ibaʼt ibang probinsya ng inyong kaharian at may mga sarili po silang kautusan na iba kaysa sa ibang bansa. Hindi sila sumusunod sa mga kautusan ninyo at hindi ito makakabuti para sa inyo kung pababayaan na lang sila. ⁹ Kung gusto ninyo, Mahal na Hari, mag-utos kayo na patayin silang lahat. At magbibigay po ako ng 350 toneladang pilak sa mga pinuno ng inyong kaharian, at ilalagay nila ito sa taguan ng kayamanan ng hari.”

¹⁰ Pagkatapos, kinuha ng hari ang kanyang singsing na pantatak,^[a] at ibinigay kay Haman na anak ni Hamedata na Agageo, ang kalaban ng mga Judio.