Efeso 4:20-24

Ang Salita ng Dios (Tagalog Contemporary Bible)

²⁰ Ngunit hindi ganyan ang natutunan nʼyo tungkol kay Cristo. ²¹ Hindi baʼt alam na ninyo ang tungkol kay Jesus? At bilang mga mananampalataya niya, hindi baʼt naturuan na kayo ng katotohanang nasa kanya? ²² Kaya talikuran nʼyo na ang dati ninyong pamumuhay dahil gawain ito ng dati ninyong pagkatao. Ang pagkataong ito ang siyang nagpapahamak sa inyo dahil sa masasamang hangarin na dumadaya sa inyo. ²³ Baguhin nʼyo na ang inyong pag-iisip at pag-uugali. ²⁴ Ipakita nʼyong binago na kayo ng Dios at binigyan ng buhay na matuwid at banal katulad ng sa Dios.