Eclesiastes 4:4-6

Ang Biblia, 2001

⁴ Nang magkagayo'y nakita ko na lahat ng pagpapagod, at lahat ng kakayahan sa paggawa ay nagmumula sa pagkainggit ng tao sa kanyang kapwa. Ito man ay walang kabuluhan at pakikipaghabulan sa hangin.

⁵ Inihahalukipkip ng hangal ang kanyang mga kamay, at kinakain ang kanyang sariling laman.

⁶ Mas mabuti pa ang isang dakot na katahimikan, kaysa dalawang dakot na punô ng pagpapagod at pakikipaghabulan lamang sa hangin.