Ecclesiastes 2:13-15

Biblia Sacra Vulgata

¹³ Et vidi quod tantum praecederet sapientia stultitiam, quantum differt lux a tenebris.

¹⁴ Sapientis oculi in capite ejus; stultus in tenebris ambulat: et didici quod unus utriusque esset interitus.

¹⁵ Et dixi in corde meo: Si unus et stulti et meus occasus erit, quid mihi prodest quod majorem sapientiae dedi operam? Locutusque cum mente mea, animadverti quod hoc quoque esset vanitas.