Deuteronomio 5:20-22

Magandang Balita Biblia

²⁰ “‘Huwag^(A) kang sasaksi nang walang katotohanan laban sa iyong kapwa.

²¹ “‘Huwag^(B) mong pagnanasaang maangkin ang asawa ng iyong kapwa. Huwag mong pagnasaang maangkin ang kanyang sambahayan, bukid, alilang lalaki o babae, baka, asno o anumang pag-aari niya.’

²² “Ang^(C) mga ito'y sinabi sa inyo ni Yahweh doon sa bundok, mula sa naglalagablab na apoy at makapal na usok. Liban doon, hindi na siya nagsalita sa inyo. Pagkatapos, isinulat niya ang mga ito sa dalawang tapyas na bato at ibinigay sa akin.