Deuteronomio 33:6-25

Ang Biblia (1978)

^6 (A)Mabuhay nawa ang Ruben, at huwag mamatay;
Gayon ma'y kumaunti nawa ang kaniyang mga tao.
⁷ At ito ang basbas sa Juda; at kaniyang sinabi,
Dinggin mo, Panginoon, ang tinig ng Juda,
At padatnin mo sa kaniyang bayan:
Sukat na sa kaniya ang kaniyang mga kamay;
At ikaw ay maging tulong laban sa kaniyang mga kaalit.
⁸ At tungkol sa Levi ay kaniyang sinabi,
^(B)Ang iyong Thummim at ang iyong Urim ay sumaiyong ^(C)banal,
^(D)Na siyang iyong sinubok sa Massa,
Na siya mong kinatunggali sa tubig ng Meriba;
⁹ Na siyang nagsabi tungkol sa kaniyang ama, at tungkol sa kaniyang ina, ^(E)Hindi ko siya nakita;
^(F)Ni kinilala niya ang kaniyang mga kapatid,
Ni kinilala niya ang kaniyang sariling mga anak;
Sapagka't kanilang sinunod ang iyong salita,
At ginaganap ang iyong tipan.
^10 (G)Sila'y magtuturo sa Jacob ng iyong mga kahatulan,
At ng iyong mga kautusan, sa Israel;
^(H)Sila'y maglalagay ng kamangyan sa harap mo,
At ng buong handog na susunugin sa ibabaw ng iyong dambana.
¹¹ Basbasan mo, Panginoon, ang kaniyang tinatangkilik,
At ^(I)tanggapin mo ang gawa ng kaniyang mga kamay;
Saktan mo ang mga balakang niyaong nagsisibangon laban sa kaniya,
At niyaong nangapopoot sa kaniya, upang sila'y huwag bumangon uli.
¹² Tungkol sa Benjamin, ay kaniyang sinabi,
Ang minamahal ng Panginoon ay tatahang ligtas sa siping niya;
Siya'y kakanlungan niya buong araw,
At siya'y mananahan sa pagitan ng kaniyang mga balikat.
¹³ At tungkol sa Jose ay kaniyang sinabi,
^(J)Pagpalain nawa ng Panginoon ang kaniyang lupain,
Sa mga mahalagang bagay ng langit, ^(K)sa hamog,
At sa kalaliman na nasa ilalim niya,
¹⁴ At sa mga mahalagang bagay na pinatubo ng araw,
At sa mga mahalagang bagay na pinatubo ng buwan,
¹⁵ At sa pinakamarikit na mga bagay ng matandang bundok,
At sa mga mahalagang bagay ng ^(L)mga burol na walang hanggan,
¹⁶ At sa mga mahalagang bagay ng lupa at ng kapunuan niyaon,
At ^(M)ang mabuting kalooban niyaong tumahan sa mababang punong kahoy:
^(N)Sumaulo nawa ni Jose ang kapalaran,
At sa tuktok ng ulo niya na hiwalay sa kaniyang mga kapatid.
^17 (O)Ang panganay ng kaniyang baka, na may kamahalan;
At ang mga sungay niyaon ay parang mga sungay ng mabangis na toro:
Siya niyang ^(P)ipantutulak sa mga bayan, lahat sa kanila, kahit na nasa mga hangganan ng lupa:
At ^(Q)sila ang laksa-laksa ng Ephraim,
At sila ang libolibo ng Manases.

^(R)Magalak ka, Zabulon, sa iyong paglabas;
At ikaw, Issachar, sa iyong mga tolda.
^19 (S)Kanilang tatawagin ang mga bayan sa bundok;
Doo'y ^(T)maghahandog sila ng mga hain ng katuwiran:
Sapagka't kanilang hihititin ang mga kasaganaan ng mga dagat,
At ang natatagong kayamanan sa buhanginan.

Pagpalain yaong magpalaki sa Gad:
Siya'y tumatahan ^(U)parang isang leona,
At dudurog ng bisig, sangpu ng bao ng ulo.
²¹ At ^(V)kaniyang inagap ang unang bahagi para sa kaniya,
Sapagka't doon natago ang bahagi ng ^(W)gumagawa ng kautusan;
At siya'y ^(X)pumaroong kasama ng mga pangulo ng bayan,
Kaniyang isinagawa ang katuwiran ng Panginoon,
At ang kaniyang mga kahatulan sa Israel.

Ang Dan ay ^(Y)anak ng leon,
Na ^(Z)lumukso mula sa Basan.

Oh ^(AA)Nephtali, busog ng lingap,
At puspos ng pagpapala ng Panginoon:
^(AB)Ariin mo ang kalunuran at ang timugan.

^(AC)Pagpalain nawa sa mga anak ang Aser,
Mahalin nawa siya ng kaniyang mga kapatid,
At ilubog ang kaniyang paa sa langis.
²⁵ Ang iyong mga halang ay magiging bakal at tanso;
At kung paano ang iyong mga kaarawan ay magkagayon nawa ang iyong lakas.