Deuteronomio 18:16-18

Magandang Balita Biblia (with Deuterocanon)

¹⁶ Ito ang kasagutan sa hiling ninyo kay Yahweh nang kayo'y nagkakatipon sa Sinai.^[a] Ang sabi ninyo, ‘Huwag mo nang iparinig pang muli sa amin ang tinig ni Yahweh ni ipakita ang kakila-kilabot na apoy na ito sapagkat tiyak na mamamatay kami.’ ¹⁷ Sinabi naman niya sa akin, ‘Tama ang sabi nila, ¹⁸ kaya mula sa kanila, pipili ako para sa kanila ng isang propetang^[b] katulad mo. Sasabihin ko sa kanya^[c] ang aking kalooban, at siya^[d] ang magsasabi nito sa mga tao.