Deuteronomio 18:16-18

Ang Salita ng Dios (Tagalog Contemporary Bible)

¹⁶ Sapagkat ito ang hinihingi ninyo sa Panginoon na inyong Dios nang magtipon kayo roon sa Horeb. Sinabi ninyo sa Panginoon, ‘Huwag nʼyong iparinig sa amin ang boses nʼyo o ipakita ang naglalagablab na apoy dahil baka mamatay kami.’

¹⁷ “Kaya sinabi ng Panginoon sa akin, ‘Mabuti ang kanilang hinihingi. ¹⁸ Magpapadala ako sa kanila ng isang propeta na mula sa kanila at kadugo nila tulad mo. Ipasasabi ko sa kanya ang lahat ng gusto kong sabihin sa kanila.