Deuteronomio 15:11-13

Magandang Balita Biblia (with Deuterocanon)

¹¹ Kailanma'y^(A) hindi kayo mawawalan ng mga kababayang mangangailangan, kaya sinasabi ko sa inyong ibukas ninyo ang inyong mga palad sa kanila.

Ang mga Tuntunin tungkol sa mga Alipin^(B)

¹² “Kapag^(C) nakabili^[a] kayo ng kapwa ninyong Israelita bilang alipin, babae o lalaki man, anim na taon siyang maglilingkod sa inyo. Pagdating ng ikapitong taon, palalayain na ninyo siya ¹³ at huwag ninyo siyang paaalisin nang walang dala.