Deuteronomio 14:25-27

Magandang Balita Biblia

²⁵ ipagbili ninyo iyon, at dalhin ang pinagbilhan sa lugar na pinili niya. ²⁶ Pagdating doon, bumili kayo ng anumang gusto ninyo: baka, tupa, alak, o inuming nais ninyo at siya ninyong pagsalu-saluhang mag-anak bilang pagdiriwang sa harapan ng Diyos ninyong si Yahweh. ²⁷ Ngunit huwag ninyong kalilimutang bigyan ang mga Levita sa inyong lugar, yamang sila'y walang kaparte sa lupaing minana ninyo.