Deuteronomio 10:6-8

Ang Salita ng Dios (Tagalog Contemporary Bible)

⁶ (Naglakbay ang mga Israelita mula sa balon ng mga taga-Jaakan^[a] papunta sa Mosera. Doon namatay si Aaron at doon din inilibing. At si Eleazar na anak niya ang pumalit sa kanya bilang punong pari. ⁷ Mula roon, pumunta sila sa Gudgoda at sa Jotbata, isang lugar na may mga sapa. ⁸ Nang panahong iyon, pinili ng Panginoon ang lahi ni Levi para sila ang magbuhat ng Kahon ng Kasunduan ng Panginoon, para maglingkod sa kanyang presensya, at para magbasbas sa mga tao sa kanyang pangalan. At hanggang ngayoʼy ganito ang gawain nila.