Deuteronomio 4:44-49

Magandang Balita Biblia

Paunang Salita tungkol sa Kautusan

⁴⁴ Ito ang kautusang ibinigay ni Moises sa mga Israelita, ⁴⁵ mga batas at tuntuning ipinahayag niya nang sila'y lumabas sa Egipto. ⁴⁶ Sila noon ay nasa silangan ng Jordan sa libis ng Beth-peor, sakop ni Haring Sihon ng mga Amoreo. Si Haring Sihon ay nagapi nga nina Moises nang sila'y umalis sa Egipto. ⁴⁷ Sinakop nila ang lupain nito, pati ang lupain ni Haring Og. Ang dalawang haring ito ng mga Amoreo ang sumakop sa silangang bahagi ng Ilog Jordan. ⁴⁸ Ang lupaing nasakop nila noon ay mula sa Aroer, sa tabi ng Ilog Arnon hanggang Bundok ng Zion o Hermon, ⁴⁹ sakop din ang buong Araba sa silangan ng Jordan, hanggang sa baybayin ng Dagat na Patay sa paanan ng Bundok ng Pisga.