Deuteronomium 33:13-16

Biblia Sacra Vulgata

¹³ Joseph quoque ait: De benedictione Domini terra ejus, de pomis caeli, et rore, atque abysso subjacente.

¹⁴ De pomis fructuum solis ac lunae,

¹⁵ de vertice antiquorum montium, de pomis collium aeternorum:

¹⁶ et de frugibus terrae, et de plenitudine ejus. Benedictio illius qui apparuit in rubo, veniat super caput Joseph, et super verticem nazaraei inter fratres suos.