Daniel 9:19-21

Ang Biblia (1978)

¹⁹ Oh Panginoon, dinggin mo; Oh Panginoon, patawarin mo; Oh Panginoon, iyong pakinggan at gawin; ^(A)huwag mong ipagpaliban, ^(B)alangalang sa iyong sarili, Oh Dios ko, sapagka't ang iyong bayan at ang iyong mga tao ay tinatawag sa iyong pangalan.

Ang pitong pung sanglinggo at ang prinsipe na pinahiran.

²⁰ At samantalang ako'y nagsasalita, at nananalangin, at nagpapahayag ng aking kasalanan at ng kasalanan ng aking bayang Israel, at naghaharap ng aking samo sa harap ng Panginoon kong Dios dahil sa banal na bundok ng aking Dios;

²¹ Oo, samantalang ako'y nagsasalita sa panalangin, ang lalaking si ^(C)Gabriel, na aking nakita sa pangitain nang una, na pinalipad ng maliksi, hinipo ^(D)ako ^(E)sa panahon ng pagaalay sa hapon.