Daniel 8:15-17

Ang Biblia (1978)

Ipinaliwanag ni Gabriel ang panaginip ni Daniel.

¹⁵ At nangyari, nang ako, sa makatuwid baga'y akong si Daniel, ay makakita ng pangitain, na aking pinagsikapang maunawaan; at, narito, nakatayo sa harap ko ang isang kawangis ng isang tao.

¹⁶ At narinig ko ang tinig ng isang tao sa pagitan ng mga pangpang ng ^(A)Ulai, na tumatawag at nagsasabi, ^(B)Gabriel, ipaaninaw mo sa taong ito ang pangitain.

¹⁷ Sa gayo'y lumapit siya sa kinatatayuan ko; at nang siya'y lumapit, ako'y natakot at napasubasob: nguni't sinabi niya sa akin, Talastasin mo, Oh anak ng tao; sapagka't ang pangitain ay ukol sa panahon ng kawakasan.