Daniel 4:26-28

Magandang Balita Biblia (with Deuterocanon)

²⁶ Ganito naman ang kahulugan ng tuod na naiwan sa lupa: Maghahari kayong muli sa sandaling kilalanin ninyo na lahat ng tao'y nasa ilalim ng kapangyarihan ng Diyos. ²⁷ Kaya,^(A) mahal na hari, dinggin po ninyo itong ipapayo ko. Tigilan na ninyo ang inyong kasamaan at magpakabuti na kayo. Huwag po kayong maging malupit sa mahihirap na mamamayan upang manatiling payapa ang inyong buhay.”

²⁸ Lahat ng ito'y naganap sa buhay ni Haring Nebucadnezar.