Daniel 4:11-13

Biblia Sacra Vulgata

¹¹ Clamavit fortiter, et sic ait: Succidite arborem, et praecidite ramos ejus: excutite folia ejus, et dispergite fructus ejus: fugiant bestiae, quae subter eam sunt, et volucres de ramis ejus.

¹² Verumtamen germen radicum ejus in terra sinite, et alligetur vinculo ferreo et aereo in herbis quae foris sunt, et rore caeli tingatur, et cum feris pars ejus in herba terrae.

¹³ Cor ejus ab humano commutetur, et cor ferae detur ei: et septem tempora mutentur super eum.