Daniel 12:11-13

Ang Salita ng Dios (Tagalog Contemporary Bible)

¹¹ “Lilipas ang 1,290 araw mula sa panahon ng pagpapatigil ng araw-araw na paghahandog at paglalagay ng kasuklam-suklam na bagay na magiging dahilan ng pag-iwan sa templo hanggang sa dumating ang katapusan. ¹² Mapalad ang naghihintay at nananatili hanggang sa matapos ang 1,335 araw.

¹³ “At ikaw Daniel, ipagpatuloy mo ang iyong gawain. Mamamatay ka, pero bubuhayin kang muli sa mga huling araw upang tanggapin ang iyong gantimpala na inihanda para sa iyo.”