Daniel 1:8-10

Ang Salita ng Dios (Tagalog Contemporary Bible)

⁸ Pero ipinasya ni Daniel na hindi siya kakain ng pagkain ng hari o iinom ng kanyang inumin para hindi siya marumihan.^[a] Kaya nakiusap siya kay Ashpenaz na huwag siyang bigyan ng pagkain at inuming iyon. ⁹ Niloob naman ng Dios na siyaʼy kalugdan ni Ashpenaz. ¹⁰ Pero sinabi ni Ashpenaz kay Daniel, “Natatakot ako sa hari. Siya ang pumili kung ano ang kakainin at iinumin ninyo, at kung makita niyang hindi kayo malusog gaya ng ibang mga kabataan, baka ipapatay niya ako.”