A A A A A
Bible Book List

COLOSENSES 4Mam de Todos Santos Chuchumatán (MVJ)

Key taaw akˈuntl, cykˈonx jun twiˈ cycˈuˈj cy‑akˈanala jiquen, tuˈntzen baˈn tuj twitz Dios, bix ka baˈn akˈanalke, jun twiˈ cycˈuˈj baˈn, cuma cyuyaxa eteˈy tjakˈ tcawbil cypatróna tuj cyaˈj, jaj Dios nxiˈ cyeyente cyey ka ma chi binchana cye cy‑akˈanala tuj tumel.

Key ocslal tuj Colosas, miˈn cyaj cykˈoˈna tuˈn cynaˈna Dios. Bix chi ximala oj cynaˈna Dios, bix tuya chjonte texin. Bix chi naˈna Dios wiˈja, tuˈn ttzaj tkˈoˈnxin amleˈn weya tuˈn t‑xiˈ nkˈumena jxnakˈtzbil tiˈ Cristo, jaj yol eˈwen taˈ nejl pero chicˈaj tuˈn Dios jaˈlewe. Ntiina tuj tzeeˈ cuma e nkˈumena nejl. Juˈ tzunj, chi naˈna Dios wiˈja, tuˈn tchicˈajax ja xnakˈtzbil lu wuˈna, cuma ja weja waakˈen.

Cxeˈl cyiiˈna cychunkˈlala tuya cynaabla cywitzj xjal min ma chi ocslan tiˈ Cristo. Cyjyonx amleˈn tuˈn cybinchana jun baˈn te cyexin. Tisen tzin tkˈoˈn atzˈen ttz̈yal tiˈ waabj, tenxit cyyola tuj ttz̈yal, tuˈntzen cynakˈeta tiˈj tuˈn taj cytzakˈbeˈna te juun xjal tuj tumel.

Jun kˈolbebl tuˈn Pablo cyuya ke tuya cye ocslal aj Colosas

Yaltzen weya tzalu, cxeˈl ttxˈolbaˈn jxin Tíquico ti ntena cyey. Nim n‑oc takˈxin weya, bix n‑oc ke ncˈuˈja tiˈjxin tuj akˈuntl. Junx nko akˈanana tuj taakˈen Kaaw. Nxiˈ nchkˈoˈna jaxin cyuyey tuˈn tel tniyˈxin tiˈj ti cytena, bix tuˈn tcywix cycˈuˈja tuˈnxin. Jax juˈx nxiˈ nsmaˈna jxin Onésimo tuyaxin. Aj cytanema ja Onésimo, bix at nim tkˈakˈbil ncˈuˈja tiˈjxin. Nim ma tzˈajbenxin weya. Cxeˈl cykˈumenxin cycaˈbelxin cyey cykilcaj nbaj tzalu.

10 At Aristarco tuj tzeeˈ wuyena, bix nxiˈ tkˈoˈnxin jun kˈolbebl te cyey. Jax juˈx nxiˈ tkˈoˈn Marcos jun kˈolbebl te cyey. Tcwal titzˈen tman Bernabéxin. N‑ul tuj cycˈuˈja j‑e xiˈ nkbaˈna cyey tuˈn tbint cyuˈna ka ma ponxin cyuyey. Cykˈimxin tuya cykil cycˈuˈja.

11 Jax juˈx junxin Jesús, juntl tbixin Justo, nxiˈ tkˈoˈn jun kˈolbebl te cyey. Cyxol kej ocslal n‑onen wiˈja jaˈlewe tuj waakˈena tzalu tiˈj tuˈn ttz̈ˈiy tcawbil Dios, oˈcx kej oxe xjal lu aj judíoke. Nim ma nimset ncˈuˈja cyuˈnxin.

12 Nxiˈ tkˈoˈn jxin Epafras jun kˈolbebl te cyey. Aj cytanema jaxin, bix jun t‑akˈanal Cristoxin. Nim nnaˈnxin Dios cyiˈja, tuˈn cykˈon cyiiba tiˈj tajbil Dios, bix tuˈn cyweˈxixa tuj cyocslabla. 13 Jax wuˈna, nim nchin labta cyiˈja, bix cyiˈj kej ocslal cyuj tnom te Laodicea bix te Hierápolis.

14 Jax juˈx nxiˈ tkˈolbeˈn jxin Lucas ejeeˈy, jaj xin kˈanel n‑oc takˈ weya. Bix nxiˈ tkˈoˈn jxin Demas jun kˈolbebl te cyey.

15 Cykˈonxa jun nkˈolbebla te cyej ocslal najlke tuj Laodicea. Bix cykˈonxa jun nkˈolbebla te Ninfas bix te cyej ocslal nchi chmet tuj tjaxuj.

16 Najsama, oj tbaj cys̈iˈna ja uˈj lu cyxola, cysmanxa cye ocslal tuj Laodicea, tuˈntzen tjaw cys̈iˈnxin cyxolxin. Jax waja tuˈn tjaw cys̈iˈna j‑uˈj nxiˈ nsmaˈna cye ocslal tuj Laodicea.

17 Cykbanxa ja nyola lu tej xin Arquipo: “Kˈoˈnc tcˈuˈja tiˈj tuˈn tpon baj jtaakˈena ma kˈoj tey tuj taakˈen Kaaw,” tz̈i cybela texin.

18 Inayena, Pablo, nxiˈ nkˈoˈna jun nkˈolbebla te cyey, pero yaaˈn jun ntzˈiˈbila ncub tzˈiˈbente, sino inayena tuˈnx nkˈaba. Chi naˈna Dios wiˈja, cuma tuj tzeeˈ ntiiniya. Tenxit t‑xtalbil Dios cyuyey.

Oˈcx nyolja.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes