Bilang 8:11-13

Ang Salita ng Dios (Tagalog Contemporary Bible)

¹¹ Si Aaron ang magtatalaga sa kanila sa aking presensya bilang espesyal na handog^[a] mula sa mga Israelita, para makapaglingkod sila sa akin.

¹² “Pagkatapos, ipapatong ng mga Levita ang mga kamay nila sa ulo ng dalawang toro na handog para sa akin. Ang isa ay bilang handog sa paglilinis at ang isa naman ay bilang handog na sinusunog, para mapatawad sila sa kanilang mga kasalanan. ¹³ At patatayuin sila sa harapan ni Aaron at ng mga anak niyang lalaki, at itatalaga sila bilang espesyal na handog sa akin.