Bilang 18:16-18

Ang Salita ng Dios (Tagalog Contemporary Bible)

¹⁶ Tubusin ninyo ito kung isang buwan na ang edad at kailangang tubusin ninyo ito sa halagang limang pirasong pilak ayon sa bigat ng pilak sa timbangang ginagamit ng mga pari. ¹⁷ Pero huwag ninyong tutubusin ang panganay na toro, tupa o kambing dahil sa akin ito. Katayin ninyo ito at iwisik ninyo ang dugo sa altar at sunugin ang mga taba bilang handog sa pamamagitan ng apoy.^[a] Ang mabangong samyo ng handog na ito ay makalulugod sa akin. ¹⁸ Sa inyo ang karne nito, gaya ng dibdib at ng kanang paa ng handog na itinataas ninyo.