Bilang 16:8-10

Ang Salita ng Dios (Tagalog Contemporary Bible)

⁸ Sinabi pa ni Moises kay Kora, “Pakinggan ninyo ito, kayong mga Levita. ⁹ Hindi pa ba sapat sa inyo na sa buong mamamayan ng Israel, kayo ang pinili ng Dios ng Israel na makalapit sa kanyang presensya para maglingkod sa kanyang Tolda at para maglingkod para sa sambayanan? ¹⁰ Pinili niya kayo at ang iba pang mga Levita para makalapit sa kanyang presensya, at ngayon gusto pa ninyong maging pari?