⁴ Kahabag-habag kayo na nahihiga sa magagarang kama na yari sa garing,
    at nagpapahinga sa malalapad na himlayan,
habang nagpapakabusog sa mga piling tupa at pinatabang guya.
⁵ Lumilikha pa kayo ng mga walang kabuluhang awitin sa saliw ng alpa;
    tulad ni David, gumagawa kayo ng mga instrumento para sa inyong musika.
⁶ Sa malalaking mangkok na kayo umiinom ng alak,
    at mamahaling pabango ang ipinapahid sa katawan,
    ngunit hindi kayo nagdadalamhati sa pagkawasak ng Israel!
⁷ Kaya nga't kayo ang unang magiging bihag;
    matitigil na ang inyong mga handaan at pagdiriwang.

⁸ Mariing ipinahayag ng Panginoong Yahweh, ang Diyos na Makapangyarihan sa lahat,
“Namumuhi ako sa labis na kapalaluan ng Israel!
    Hindi ako nalulugod sa kanilang mga tanggulan.
    Ibibigay ko sa kaaway ang buong lunsod at ang lahat ng bagay na naroon.”

¹¹ Kapag siya ang nag-utos,
    magkakadurug-durog ang mga bahay,
    malaki man o maliit.
¹² Tumatakbo ba sa batuhan ang mga kabayo?
    Naipang-aararo ba sa dagat ang mga baka?
Hindi nga, ngunit ginawa ninyong lason ang katarungan
    at pinalitaw na mali ang tama.
¹³ Tuwang-tuwa kayo nang masakop ninyo ang bayan ng Lo-debar.^[a]
    Sabi ninyo, “Tayo'y malakas at nakaya nating sakupin ang Karnaim.”^[b]
14 Ngunit ito ang sagot ni Yahweh, ang Diyos na Makapangyarihan sa lahat:
    “Susuguin ko ang isang bansa laban sa inyo, mga taga-Israel.
Kayo'y pahihirapan buhat sa Pasong Hamat sa hilaga
    hanggang sa Batis ng Araba sa timog.”