Amos 5:11-13

Magandang Balita Biblia

¹¹ Ginigipit ninyo ang mahihirap
    at hinuhuthot ang kanilang ani.
Kaya't hindi ninyo matitirhan ang bahay na batong inyong itinayo,
    ni malalasap man lang ang alak mula sa malalawak ninyong ubasan.
¹² Alam ko kung gaano karami ang inyong ginawang kasamaan,
    at kung gaano kabigat ang inyong mga kasalanan.
Kayo'y humihingi ng suhol sa mga taong matuwid,
    at ipinagkakait ninyo sa mga mahihirap ang katarungan.
¹³ Naghahari ang kasamaan sa panahong ito;
    kaya't kung ika'y matalino, mananahimik ka na lang.