Amos 2:5-7

Magandang Balita Biblia (with Deuterocanon)

⁵ Susunugin ko ang Juda;
    tutupukin ko ang mga tanggulan ng Jerusalem.”

⁶ Ganito ang sabi ni Yahweh:
“Paulit-ulit na nagkasala ang mga taga-Israel,
    kaya sila'y paparusahan ko.
Dahil sa suhol, pinarusahan nila ang mga matutuwid,
    at ibinentang alipin sa halagang isang pares ng sandalyas ang mga taong hindi makabayad ng utang.
⁷ Niyuyurakan nila ang mga abâ;
    ipinagtutulakan nila ang mahihirap.
Nakikipagtalik ang mag-ama sa iisang babaing alipin,
    kaya't nalalapastangan ang aking banal na pangalan.