A A A A A
Bible Book List

APOCALIPSIS 12Mam de Todos Santos Chuchumatán (MVJ)

Jun xuuj bix jil alimaj dragón tbi

12  Bix e tzaj jlet jun jawnex techel twitz cyaˈj. At jun xuuj toc kˈij tiˈj tisen jun xbalen, bix tcub xjaw tjakˈ tken. Tjax jun corona tuj twiˈ, bix toc cablaaj cheˈw tiˈj tcorona. At tal tuj tcˈuˈj, bix e jaw s̈iˈn tuˈn tchyonel tal, cuma tuˈn talen.

Bix e tzaj jlet juntl techel twitz cyaˈj. At jun nintzaj jil, dragón tbi. Cyak tiˈj, bix at wuuk twiˈ bix laaj tcache. Bix tjax juun tcorona tuj juun twiˈ. Tuˈn tjeeˈ etz tmsoˈn toxen tkiyˈ cheˈw twitz cyaˈj bix e cuˈtz t‑xooˈn twitz txˈotxˈ. Bix e cub weˈ dragón twitzj xuuj at tuˈn talen, tuˈntzen t‑xiˈ tchyoˈn tal jxuuj oj tul itzˈj. Bix ul itzˈj jun talxuj xinak. Ja talxuj tuˈn tcawen tibaj cykilca tnom twitz txˈotxˈ tuya nim tipemal, tisenj jun xinj cylel ncylenxin cyiˈ carnel tuya jun bardón cyiw. Bix e jaw kˈiˈn talxuj tuˈn Dios bix e ponxin tuj jawnex tkˈukbilxin. Yaltzen te xuuj, el ok tuj jun lugar yaaˈn nimxix xjal tuj, jatztzen taˈ jun tnajbilxuj otk bint tuˈn Dios, tuˈntzen titzˈjxuj tuj ja lugar lu jun mil kˈij tuya caˈba syent tuya oxcˈal.

Tbajlenxitltzen jlu, oc jun kˈoj twitz cyaˈj. Jjawnex ángel Miguel cyuyax ke t‑ángel e kˈoj tiˈj jil dragón. Jax juˈx e kˈoj dragón cyuyax tbiman cyiˈ Miguel. Pero min e xcyeke cyiˈ Miguel. Juˈ tzunj, min e cyaj tentlke twitz cyaˈj. Etz xooˈn jnintzaj jil dragón, jlbaj te ootxa, jtaaw il Satanás tbi nsbun cykilca xjal twitz txˈotxˈ. E cuˈtz xooˈn twitz txˈotxˈ cyuyax ke tbiman. 10 Bix e xiˈ nbiˈna jun cyiwxix tkˈajkˈajel tuj cyaˈj. E xiˈ tkbaˈn:

―Jaˈlewe ma pon tumel tuˈn ttzaj tyeecˈan Kdios tcolbil bix tipemal bix tcawbil bix tcawbil Jscyˈoˈn tuˈn, cuma ma tzˈex xooˈn taaw il. Te kˈij bix te koniyan min e weˈ yol tuˈn tyolen kaˈ cyiˈj ocslal twitz Kdios. 11 E cub tiˈj taaw il cyuˈn tuˈnj ttz̈qˈuel Tal Carnel tej tcyim bix tuˈnj cyyol ka junx eteˈ tuya Tal Carnel. Min e cyaj cykˈoˈn cyocslabl tiˈj, amale e cyimetke tuˈn. 12 Cuma ma tzˈex xooˈn taaw il, juˈ tzunj, chi tzalaja ejeeˈy najl tuj cyaˈj. Pero ay xsunkej xjal najl twitz txˈotxˈ, cuma ma cuˈx taaw il cyuya. Nimxsen tkˈoj, cuma n‑el niyˈ tiˈj yaaˈn nim kˈij tuˈn ttentl tuˈn tkˈojl cyiˈj ocslal―tz̈i kej eteˈ tuj cyaˈj.

13 Tejtzen tel tniyˈ dragón tiˈj otk cuˈx xooˈn twitz txˈotxˈ, oc ten kˈojlel tiˈj xuuj otk tzul itzˈj tal xinak. 14 Bix oc kˈoˈn tiˈ xuuj caˈba t‑xiicyˈ ikel eyˈ, tuˈntzen tel purpan twitz lbaj. E pon purpan tuj lugar min‑al xjal najl tuj, jatztzen e takˈ Dios tlugar, tuˈntzen titzˈj oxe jnabkˈi tuya niyˈjan. 15 Jatzen te lbaj, etz t‑xupan aˈ tuj ttzi tisen jun nimaˈ. E xiˈ t‑xupan aˈ tiˈj xuuj tuˈn t‑xiˈ iken xuuj tuˈn aˈ. 16 Pero e tzaj tonen txˈotxˈ ja xuuj. El cˈabch txˈotxˈ, bix e xiˈ tcˈaˈn txˈotxˈ aˈ e jatz tuj ttzi dragón. 17 Juˈ tzunj, e tzaj nimxix tkˈoj dragón tiˈj xuuj, bix e xiˈ kˈojlel cyiˈj niyˈtl tal xuuj, kej n‑oc cybiˈn tley Dios bix kej ncheˈx lpe tiˈj jaxxix tyol Jesús.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes