2 Ikaw nga, ^(A)anak ko, ^(B)magpakalakas ka sa biyayang nasa kay Cristo Jesus.

² At ^(C)ang mga bagay na iyong narinig sa akin sa gitna ng maraming saksi, ^(D)ay siya mo ring ipagkatiwala sa mga taong tapat, na makapagtuturo naman sa mga iba.

^3 (E)Makipagtiis ka sa akin ng mga kahirapan, na ^(F)gaya ng mabuting kawal ni Cristo Jesus.

⁴ Sinomang kawal na nasa pagkakawal ay hindi nahalubilo sa mga bagay ng buhay na ito; upang siya'y kalugdan niyaong nagtala sa pagkakawal.

⁵ At kung ang sinoman ay ^(G)makikipaglaban naman sa mga laro, ay hindi ^(H)pinuputungan maliban na kung makipaglabang matuwid.

⁶ Ang magsasaka na nagpapagal ^(I)ay siyang kailangang unang makabahagi sa mga bunga.

⁷ Isipin mo ang sinasabi ko; sapagka't bibigyan ka ng Panginoon ng pagkaunawa sa lahat ng mga bagay.

⁸ Alalahanin mo si Jesucristo na ^(J)muling nabuhay sa mga patay, sa binhi ni David, ayon sa aking evangelio:

⁹ Na siyang pinagtitiisan ko ng kahirapan ^(K)sa mga tanikala, na tulad sa tampalasan; ^(L)nguni't ang salita ng Dios ay hindi natatanikalaan.

¹⁰ Kaya aking tinitiis ang lahat ng mga bagay ^(M)dahil sa ^(N)mga hinirang, upang kamtan naman nila ang pagkaligtas na nasa kay Cristo Jesus na may kaluwalhatiang walang hanggan.

^11 (O)Tapat ang pasabi: ^(P)Sapagka't kung tayo'y nangamatay na kalakip niya, ay mangabubuhay naman tayong kasama niya:

^12 (Q)Kung tayo'y mangagtiis, ay ^(R)mangaghahari naman tayong kasama niya: ^(S)kung ating ikaila siya, ay ikakaila naman niya tayo:

¹³ Kung tayo'y hindi mga tapat, ^(T)siya'y nananatiling tapat; sapagka't ^(U)hindi makapagkakaila sa kaniyang sarili.

¹⁴ Ipaalaala mo sa kanila ang mga bagay na ito, na sila'y pagbilinan sa paningin ng Panginoon, ^(V)na sila'y huwag makipagtalo tungkol sa mga salitaan na hindi mapapakinabangan, sa ikapapahamak ng mga nakikinig.

¹⁵ Pagsikapan mong humarap na subok sa Dios, manggagawang walang anomang ikahihiya, na gumagamit na matuwid ng salita ng katotohanan.

¹⁶ Datapuwa't ^(W)ilagan mo ang mga usapang walang kabuluhan: sapagka't sila'y lalong magpapatuloy sa kasamaan,

¹⁷ At ang kanilang salita ay kakalat na gaya ng ganggrena: na sa mga ito ay si ^(X)Himeneo at si Fileto;

¹⁸ Na mga taong tungkol sa katotohanan ay nangasinsay, na sinasabing ang pagkabuhay na maguli ay nakaraan na, at ginugulo ang pananampalataya ng iba.

¹⁹ Gayon ma'y ang matibay na pinagsasaligan ng Dios ay nananatili na may tatak nito, Nakikilala ng Panginoon ang mga kaniya: at, ^(Y)Lumayo sa kalikuan ang bawa't isa na sumasambitla ng pangalan ng Panginoon.

²⁰ Datapuwa't sa isang malaking bahay ay ^(Z)hindi lamang may mga sisidlang ginto at pilak, kundi mayroon din namang kahoy at ^(AA)lupa; ^(AB)at ang iba'y sa ikapupuri, at ang iba'y sa ikasisirang-puri.

²¹ Kung ang sinoman nga ay malinis sa alin man sa mga ito, ay magiging sisidlang ikapupuri, pinakabanal, marapat gamitin ng mayari, nahahanda sa lahat ng gawang mabuti.

²² Datapuwa't layuan mo ang masasamang pita ng kabinataan, at ^(AC)sundin mo ang kabanalan, ang pananampalataya, ang pagibig, ang kapayapaan, kasama ng mga ^(AD)nagsisitawag sa Panginoon mula sa pusong malinis.

²³ Nguni't tanggihan mo ang mga usapang ^(AE)walang kabuluhan at hangal, yamang nalalaman mo na namumunga ng mga pagtatalo.

²⁴ At ^(AF)ang alipin ng Panginoon ay hindi nararapat na makipagtalo, kundi maamo sa lahat, ^(AG)sapat na makapagturo, matiisin,

²⁵ Na sawaying may kaamuan ang mga nagsisisalangsang; baka sakaling sila'y pagkalooban ng Dios ng pagsisisi ^(AH)sa ikaaalam ng katotohanan,

²⁶ At ^(AI)sila'y makawala sa silo ng diablo, na bumihag sa kanila ayon sa kaniyang kalooban.