2 Samuel 23:18-20

Ang Biblia, 2001

¹⁸ At si Abisai, na kapatid ni Joab, na anak ni Zeruia ay pinuno ng tatlumpu.^[a] At kanyang ginamit ang kanyang sibat laban sa tatlong daan at kanyang pinatay sila, at nagkamit ng pangalan bukod sa tatlo.

¹⁹ Siya ang pinakabantog sa tatlumpu,^[b] at naging kanilang pinuno; subalit hindi siya umabot sa tatlo.

²⁰ Si Benaya, na anak ni Jehoiada ay isang matapang na lalaki na taga-Kabzeel, isang gumagawa ng mga dakilang gawa; na kanyang pinatay ang dalawang anak ni Ariel^[c] ng Moab. Siya'y lumusong din at pumatay ng isang leon sa isang hukay nang araw na bumagsak ang niyebe.