2 Samuel 23:13-15

Ang Salita ng Dios (Tagalog Contemporary Bible)

¹³ Nang panahon ng tag-ani, pumunta kay David ang tatlo niyang tauhan doon sa kweba ng Adulam. Ang tatlong taong itoʼy kasama sa 30 matatapang na tauhan ni David. Nagkakampo noon ang mga Filisteo sa Lambak ng Refaim ¹⁴ at naagaw nila ang Betlehem. Habang naroon si David sa isang matatag na kublihan, ¹⁵ nauhaw siya. Sinabi niya, “Mabuti sana kung may kukuha sa akin ng tubig na maiinom doon sa balon malapit sa pintuang bayan ng Betlehem.”