2 Samuel 12:24-26

Ang Salita ng Dios (Tagalog Contemporary Bible)

²⁴ Dinamayan ni David ang asawa niyang si Batsheba, at nagsiping sila. Nabuntis si Batsheba at nanganak ng isang lalaki, at pinangalanan nila siyang Solomon. Minahal ng Panginoon ang bata, ²⁵ at nagpadala siya ng mensahe kay Propeta Natan na pangalanang Jedidia^[a] ang bata dahil mahal siya ng Panginoon.

Sinakop ni David ang Rabba^(A)

²⁶ Sa kabilang dako, sumalakay sina Joab sa Rabba, ang kabisera ng Ammon, at malapit na nila itong masakop.