2 Samuel 11:1-3

Ang Biblia (1978)

Ang kasalanan ni David laban kay Uria.

11 At nangyari ^(A)sa pagpihit ng taon sa panahon ng paglabas ng mga hari sa pakikipagbaka, na sinugo ni ^(B)David si Joab, at ang kaniyang mga lingkod na kasama niya, at ang buong Israel; at kanilang nilipol ang mga anak ni Ammon at kinubkob sa Rabba. Nguni't si David ay naghintay sa Jerusalem.

² At nangyari sa kinahapunan, na si David ay bumangon sa kaniyang higaan, at lumakad sa ^(C)bubungan ng bahay ng hari: at mula sa bubungan ay kaniyang nakita ang isang babae na naliligo; at ang babae ay totoong napakagandang masdan.

³ At nagsugo si David, at nagpasiyasat tungkol sa babae. At sinabi ng isa, Hindi ba ito ay si ^(D)Bath-sheba na anak ni Eliam, na asawa ni Uria na Hetheo?